Plantun de Prouvènço

Pèr coumpara dos planto d'encò nostre

Carex praecox & Cryptogramma crispa

Queirello(-proumierenco)

Carex praecox

Cyperaceae

Àutri noum : Moutouso, Sagneto.

Noms en français : Laîche précoce, Laîche de Schreber.

Descripcioun :
Aquesto queirello, proun raro, trachis dins li pelouso sablouso un pau umido, souvènt proche d'aigo. Es uno planto primo souvènti fes torso que fai un rizoumo di proun ramifica. Se recounèis à si pichòtis espigueto que caupon de flour masclo à la baso e femello emé dous estigmate en aut. Lis escaumo soun brunello amé de uno costo pu claro e acabado pèr uno arèsto. Avisas-vous que i'ague un pichot mameloun au bout dis antèro que dèvon faire mens de 2 mm. Coumpara emé la queirello-divisado que ié sèmblo proun.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 30 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Carex
Famiho : Cyperaceae

Ordre : Poales

Coulour de la flour : Brunello
Petalo : ges
Ø (o loungour) enflourejado : 1 à 2,5 cm
Flourido : Printèms

Sòu : Ca
Autour basso e auto : 0 à 1000 m
Aparado : Vo
Abriéu à jun

Liò : Tepiero sablouso - Ribo d'aigo
Estànci : Mesoumediterran
Couroulougi : Érousiberiano-Sud
Ref. sc. : Carex praecox Schreb., 1771

Pichot-féuse(-crespu)

Cryptogramma crispa

Pteridaceae Adiantaceae

Nom en français : Allosore crépu.

Descripcioun :
Aqueste pichot-féuse trachis en mountagno dins lis esboudèu di gros sus sòu séusous. La planto èi verdo claro e sènso pèu. Li foundo soun proun descoupado, aquéli fertilo an li bord envertouia, e à l'en dedins s'atrovon li soro. Au nostre, lou pichot-féuse-crespu se rescontro subretout dins lis Aup marino.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Pichoto planto lignouso
Taio : 10 à 30 cm
Fueio : Foundo
Tipe bioulougico : Emicriptoufite
Cicle bioulougico : Planto renadivo

Gènre : Cryptogramma
Famiho : Pteridaceae
Famiho classico : Adiantaceae

Ordre : Polypodiales

Coulour de la flour : Ges de flour
Petalo : ges
Ø (o loungour) flour : Ges de flour
Flourido : Estiéu

Sòu : Si
Autour basso e auto : 1000 à 3000 m
Aparado : Noun
Juliet à avoust

Liò : Roucas - Esboudèu di gros
Estànci : Subaupen à Aupen
Couroulougi : Éurasiatico
Ref. sc. : Cryptogramma crispa (L.) R.Br., 1842 (= Allosorus crispus (L.) Röhl. )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Carex praecox & Cryptogramma crispa

ges

Coumpara Queirello(-proumierenco) emé uno autro planto

Coumpara Pichot-féuse(-crespu) emé uno autro planto